Portada Cine L’Academia restablez requisitos previos a la pandemia pa optar al Oscar

L’Academia restablez requisitos previos a la pandemia pa optar al Oscar

by redacción asturnews
Foto: Daniel Matsuoka (https://www.flickr.com/photos/danielmatsuoka/)

L’Academia de Hollywood, al igual que munches otres instituciones, vuelve a la normalidá. En tolos sentíos. La entidá anunció que restablez los requisitos para optar a un premiu Oscar de cara a la so próxima edición, una decisión tomada tres la remisión de la pandemia y consensuada pola Xunta de Gobernadores de dicha institución.

Según esti resolvimientu, toles películes qu’aspiren a consiguir una estauína l’añu que vien tendrán de estrenase antes del 31 d’avientu de 2022, tanto en sales como en plataformes dixitales. Nun ye l’únicu puntu a tener en cuenta. Otru aspeutu ye que los filmes estrenaos en “streaming” que quieran aportar a la estauína dorada tendrán de cuntar obligatoriamente con una distribución comercial de siete díes consecutivos en sales de cine físiques, con siquier trés proyecciones per xornada.

Col zarru de los cines del condáu de Los Ánxeles (EE.XX.) a mediaos de marzu de 2020 pola pandemia, l’Academia modificó’l so calendariu y dexó nes postreres dos ediciones la candidatura de producciones estrenaes namá vía “streaming” y disponibles mientres los 60 díes posteriores al so llanzamientu.

L’Academia de Hollywood esplicó nel so comunicáu que la vuelta a la normalidá” traxo consigo un aumentu del númberu d’árees metropolitanes nes que puede estrenase un filme que nagüe pela estauína. Tradicionalmente, pa esti requisitu solo computaben aquelles cintes esibíes en cines del condáu de Los Ánxeles, pero dende anguaño son igualmente válides los presentes nes sales de la zona metropolitana de la badea de San Francisco o nes ciudaes de Nueva York, Chicago, Miami y Atlanta.

Tamién te podria gustar