Portada Cine L’Academia refuga incluyir series nos premios Goya

L’Academia refuga incluyir series nos premios Goya

by redacción asturnews

Faía yá un tiempu que l’Academia de cine plantegábase l’incluyir les series nos sos galardones estrella. Sicasí, en axuntándose esti llunes, la xunta directiva decidió por unanimidá caltener el sistema actual p’aspirar a los Premios Goya.

Un resolvimientu que llega una selmana dempués de que’l presidente de la institución, Mariano Barroso, manifestara que vía “fundamental l’harmonización con toles pantalles” y faía pública la voluntá de los dirixentes de llevar a cabu esta iniciativa.

Sicasí, el mesmu Barroso reconocía que “el volume de producción ye tan grande que nun dar aguantu. Tamos falando d’una cantidá d’hores de producción que fadría falta triplicar el personal de l’Academia para, a cencielles, atender y comprobar que los datos que s’esponen nes inscripciones de les películes o de les series corresponder colo qu’hai”

Tocantes a les películes producíes poles plataformes, l’Academia de Cine va considerar pa los sos premios añales a aquelles que cumplan colos requisitos actuales, esto ye, estrenu en sales nos plazos que marquen les bases.

Magar el resolvimientu, l’Academia de Cine anima a tolos axentes (canales, plataformes, productores, etc.) a xunir esfuerzos de cara a potenciar los premios o reconocencies añales yá esistentes. Para ello, la Presidencia de l’Academia de Cine va axuntase llueu cola Academia de Televisión pa tresmiti-y una propuesta de collaboración.

Tamién te podria gustar