L’Academia quier archivar la memoria del cine español

Tola memoria del cine español va tar a disposición del públicu gracies a un proyectu impulsáu pola Academia de Cine, en collaboración cola Universidá Europea, la Sociedá Xeneral d’Autores y la canal de televisión TCM. El proyectu, que naz con un espíritu bien ambiciosu, pretende rescatar les alcordances de los grandes profesionales del cine. Nesti sentíu, va acoyer tamién toos aquellos programes, series de televisión y documentos, amás de los arquivos de la SGAE, que puedan contribuyir a esta memoria del nuesu cine. Esti proyectu foi presentáu nel marcu del Festival de Cine de San Sebastián pol so presidente Antonio Resines, acompañáu de Manuel Gutiérrez Aragón y Fernando Trueba, ente otros.

“La nuesa memoria. El cine español” ye’l títulu d’esti proyectu que cunta con un comité d’asesores ya historiadores como Fernando Méndez-Leite, Juan Tébar, Luis Allegre, Diego Galán y Fernando Lara, so la coordinación de José Luis García Sánchez.