Tecnoloxía L’Academia prevé actualizar l’Iguador con nueves entraes dos vegaes al añu by asturnet 5 de xunetu, 2004 written by asturnet 5 de xunetu, 2004 77 Dos vegaes al añu. Esa ye la frecuencia que l’Academia de la Llingua Asturiana se marca a sigo mesma p’actualizar l’Iguador, el primer corrector informáticu pa llingua asturiana que la institución llanció el pasáu mes de xineru en comuña cola empresa Araz y qu’agora quier arriquecer coles suxerencies de los usuarios. A puntu de cumplir seis meses nel mercáu, l’Academia acumula más d’una decena d’indicaciones sobro’l preséu informáticu recoyíes nel apartáu específicu que la institución llingüística dedica na so web al Iguador, nel qu’invita a los usuarios a formular consultes, comentarios y suxerencies al rodiu’l corrector, o bien a comunicar eventuales errores detectaos nél. Por internet pasará precisamente cada procesu d’actualización del Iguador, yá que l’Academia de la Llingua plantégase facer les dos meyores añales previstes incluyendo nueves entraes na base de datos del instrumentu -qu’agora inclúi más de cuatro millones de pallabres- pa que los veceros descarguen gratis esa actualización vía web. Con más de 50.000 entraes, que se correspuenden coles del diccionariu normativu de L’Academia, 6.000 verbos conxugaos y 300 normes ortográfiques, el primer iguador informáticu de llingua asturiana viéndese a un preciu de 6 euros y corrixe les faltes ortográfiques y léxiques más comunes na escritura, amás d’iguar les pertitentes errates. Na parte técnica, el preséu informáticu funciona baxo plataforma PC col procesador de testos más común, el Word de Microsoft, y ye compatible colos sistemes operativos Windows 98, XP y 2.000 y coles versiones de Word 97, 2.000 y XP. 0 FacebookTwitterPinterestEmail Anterior Tolo que nun vi al quita-y el capiruchu ( XII ) siguiente Cultura paraliza los convenios pa crear servicios de normalización nos conceyos Tamién te podria gustar Ventanielles y Guillén Lafuerza van ser una “Fábrica... El Principáu y la UOC firmen un conveniu... Los videoxuegos caltienen sesgos de xéneru Educación aconceya a casi 1600 escolares de 12... Convocáu’l II Concursu de Videopoemes POEX 2023 Nueva ruta de realidá aumentada na Casa Natal... Avilés amuésase como referente de la innovación cola... El binomiu Ciencia y Sociedá centra’l foru Horizonte... Asturies envolúbrate: Paisaxes inmersivos del patrimoniu sonoru asturianu Uviéu TECH, “la to cita col futuru”, abre’l...