Portada Educación L’Academia entrega los certificaos y diplomes de los sos Cursos de Branu

L’Academia entrega los certificaos y diplomes de los sos Cursos de Branu

by asturnet

L’Academia de la Llingua Asturiana va entamar mañana viernes 16 nel Aula Magna de la Universidá d’Uviéu la entrega de los certificaos y diplomes de los sos Cursos de Branu. L’actu va tar presidíu pol rector Juan Vázquez y pola presidenta de la institución llingüística Ana Cano.

Un total de ciento cincuenta alumnos participaron nos cursos de l’Academia matriculaos nos siete niveles impartíos: Cursu Elemental de Llingua Asturiana, Cursu Avanzáu, Capacitación pa la Traducción al asturianu -tolos tres inxertos nos Cursos d’Estensión Universitaria-; los cursos de Llingua asturiana ya Internet; El cine n’asturianu; Otros xuegos y tradiciones populares na enseñanza; y la primer fase del Curso de Capacitación en Gallego-Asturiano.

L’actu d’entrega de los diplomes va celebrase nel Aula Magna a les 19.30 hores d’esti viernes.

Tamién te podria gustar