CineComunicación L’Academia del Cine Asturiano preséntase en sociedá by redacción asturnews 27 de febreru, 2018 written by redacción asturnews 27 de febreru, 2018 65 L’Academia del Cine Asturiano presentábase en sociedá esta selmana pasada cola vocación de visibilizar y poner en valor les obres cinematográfiques asturianes y toes aquelles persones qu’intervienen nel so procesu de creación.El vienres 23 de febreru tuvo llugar la primera la primer asamblea de l’Academia del Cine Asturiano en Laboral Ciudá de la Cultura na que participaron la práctica totalidá de les más de 60 persones inscrites hasta la fecha. L’Academia surde con trés propósitos fundamentales y prioritarios nel arranque de la so andadura: 1. Identificar el cine asturiano y toes aquelles persones que participen del mesmu, dende dirección, producción, actoral o llabores técnicos bien sía nel mesmu territoriu asturianu o más allá de les sos llendes. 2. Aunar a tol sector buscando puntos y espacios d’alcuentru. 3. Dignificar el Cine Asturiano, al traviés de la reconocencia del cine y los sos profesionales, realizando pa ello un llabor d’espardimientu y pedagoxía énte’l públicu y les instituciones. Nesta asamblea trazáronse los proyectos para esti primer añu d’andadura que s’empobinen a cubrir estes trés grandes víes d’actuación. D’ente les propuestes aprobaes destaquen la ellaboración d’un informe inicial sobro la situación del cine asturiano en toles sos estayes, la creación d’espacios d’alcuentros col fin d’aldericar sobro les traces d’identidá cultural del cine asturiano , y la creación de grupos de trabayu que se van encargar d’identificar les carencies y meyores urxentes que reivindica’l sector . L’Academia tamién va participar como convidada, en marzu, nel Festival SACO Uviéu nun alcuentru con directores y productores del norte de Portugal. L’Academia del Cine Asturiano naz arriendes de les xornaes del Industry Days d’Asturies, entamaes pol Festival Internacional de Cine de Xixón na pasada edición, na que munchos profesionales manifestaron la torga que supón el tar desconectaos unos d’otros. Selmanes dempués, la realizadora Teresa Marcos convoca a un grupu de cineastes a una xunta n’Uviéu cola intención inicial de valorar la posibilidá de reactivar ARDA (Asociación de Realizadores y Directores Asturianos) como puntu d’alcuentru continuu. Dempués d’un analís fondu surde’l propósitu de crear daqué distintu y capaz d’aunar y englobar a tolos departamentos responsables de la creación cinematográfica: una Academia del Cine Asturiano. Magar entós, un equipu de trabayu encargase de dir ellaborando unos estatutos marco iniciales, tomando como base tola documentación disponible nes distintes Academies estatales. Anguaño, dicha entidá, presentada yá nel rexistru del Principáu, axunta hasta la fecha más de sesenta profesionales del cine asturianu. L’actual Xunta Directiva ta formada por Pablo A. Quiroga Prendes, Juan Tizón y Melania Fraga. 0 FacebookTwitterPinterestEmail Anterior Iniciativa pol Asturianu echó andar agrupaciones na cuenca’l Nalón y nel Conceyu d’Uviéu siguiente L’Asturianu declárase llingua oficial na Cadena Ser Tamién te podria gustar La normalización llingüística afitase dafechu nel Parlamentu La Delegación asturiana en Lorient protagoniza la xornada... Blanca Fernández foi la pregonera de la XXVII... Los partíos nacionalistes d’Asturies descarten presentase a la... La TPA recupera 40 años depués el resume... El Principáu y la UOC firmen un conveniu... David Guardado presentó “Nunca Vencida” en Xixón Asturies destaca en comprensión llectora AFA presenta na Escuela Comerciu de Xixón el... Uviéu programa’l ciclu Vetusta Jazz con artistes como...