Portada Música L’Academia de Música Antigua de Xixón trai Vox Tremula: Andái, passiones, andái

L’Academia de Música Antigua de Xixón trai Vox Tremula: Andái, passiones, andái

by redacción asturnews

El Salón d’actos del Centru de Cultura Antiguu Institutu va acoyer esti sábadu 4 de payares a les 19 hores un conciertu entamáu pola Academia de Música Antigua de Xixón que presenta a Vox Tremula: Andái, passiones, andái.

Siguiendo la tradición de los instrumentistes del Renacimientu, el consort Vox Tremula preséntanos la so propia visión d’una serie d’obres vocales ya instrumentales. Añedieron gloses, variaciones o amenorgamientos escritos por ellos mesmos sobre xuna selección de pieces de la edá d’oru de la música española: la Renacencia. El grupu naz al abrigu del Conservatorio Superior de Música Manuel Castillo de Sevilla, onde coinciden los trés músicos. Busquen ufiertar una visión actual y creativo del repertoriu antiguu, na que dar vida a obres compuestes a lo llargo de siete sieglos. Nos sos programes collaboraron con músicos como David Ruiz, Alejandra F. Sanz o Julieta Viñes.

Milena Cord-to-Krax, flautes de picu
Elena Escartín, flautes de picu
Gonzalo Llao, flautes de picu

Entrada llibre hasta completar l’aforu.

 

Tamién te podria gustar