L’Academia de la Llingua Asturiana auncia los plazos de matrícula pa los Cursos de Branu 2009

15 abril 07:39 2009 Imprimir

L’ALLA ta acabante anunciar el programa que va ufrir esti añu nos sos Cursos de Branu, que como cada añu va celebrar en Santantolín (Ibias). En collaboración cola Universidá d’Uviéu van entamar losl cursos Elemental y Avanzáu de Llingua Asturiana y el de Capacitación pa la Traducción al Asturian.

D’otra banda, la propia institución, entama esti añu dellos cursos d’afondamientu cultural y llingüísticu: La presencia de la Llingua Asturiana n’Internet; Nueves posibilidaes, Otros xuegos y tradiciones populares na enseñanza; Ecoloxía y Mediu Ambiente n’Asturies; Ferramientas prá normalización llingüística del gallego-asturiano y un Cursu d’especialización en Filoloxía Asturiana (I). Amás, va facese la primer fase del cursu de Gallego-Asturiano pa maestros.

Los cursos van ser en Santantolín (Ibias) en réxime d’internáu del 3 al 14 d’agostu de 2009. Y la matrícula hai que la facer nel llar de l’Academia (Marqués de Santa Cruz, 6 – 2º d’Uviéu) ente’l 25 de mayu y el 5 de xunu. Pa más información ha llamase al teléfonu 985211837 o escribir al corréu alla@asturnet.es

  Categories:
Loading Facebook Comments ...