Portada Cine L’Academia de Cine dedica un ciclu a los guionistes españoles

L’Academia de Cine dedica un ciclu a los guionistes españoles

by redacción asturnews

L’Academia de Cine inauguró esti miércoles 24 de febreru un ciclu dedicáu a los guionistes españoles nel que va esibir películes escrites polos guionistes más reconocíos del cine español. Precisamente, dellos guionistes criticaron apocayá a la institución, tres la gala de los Premios Goya 2016 celebrada’l pasáu 6 de febreru porque guionistes nomaos nesta edición nun pudieron desfilar pola alfombra colorada.

Rafael Azcona y Mikel Gaztambide fueron los primeros nomes del ciclu que dedica l’Academia a los guionistes más reconocíos. L’amuesa, que va siguir nel mes de marzu, inaugurose esti miércoles, 24 de febreru, con La llingua de les camparines, llibretu de Rafael Azcona que José Luis Cuerda treslladó a imaxes con Fernando Fernán Gómez y Manuel Lozano, y siguía’l vienres 26 con Vaques, hestoria escrita por Mikel Gaztambide dirixida por Julio Medem y protagonizada por Carmelo Gómez y Emma Suárez.

Al marxe d’esti ciclu y tres la última edición de los Goya, el sindicatu de guionistes ALMA calificó de “agraviante” que los nomaos nunes categoríes “tan trascendentes” como son les de Meyor Guion Orixinal y Meyor Guion Afechu fueren “escluyíos” de l’alfombra colorada. La presidenta del sindicatu, Ángela Armeru, precisaba que nun yera una cuestión de “vanidá” o de querer “salir na semeya”, sinón de “ser reconocíos” porque, al so xuiciu, “la responsabilidá” del so llabor na película “ye grande y la so visibilidá tendría de tar acorde”.

Por ello, los guionistes reivindicaron que la decisión de faese o non la semeya “nun sía una esclusión de partida” per parte de la organización y pidieron la oportunidá d’apaecer al pie de otros compañeros na alfombra colorada previa a la gala d’entrega de los premios.
PUBLICIDÁ inRead
invented by TeadsSía que non, el sindicatu yá taba en conversaciones cola Academia por que esta situación nun se produxera na próxima edición y fontes de la institución xustificaron que l’ausencia de los nomaos nes categoríes a Meyor Guion deber a una cuestión de tiempu.

L’Academia reconocía que “toos tendríen de pasar” pola alfombra colorada, pero esplicaba que nun se pudo incluyir a tolos nomaos pol tiempu que pueden destinar a estos momentos previos a la ceremonia d’entrega. Anguaño sí desfilaron, sicasí, los nomaos a Meyor Película d’Animación, qu’antes nun pasaben, según amestaron.

Tamién te podria gustar