Portada Lliteratura L’Academia anuncia’l Premiu Nacional de Lliteratura Asturiana

L’Academia anuncia’l Premiu Nacional de Lliteratura Asturiana

by redacción asturnews

La presidenta de l’Academia de la Llingua Asturiana, Ana Cano, facía anuncia nel discursu institucional del XXXVII Día de les Lletres de la convocatoria del Premiu Nacional de Lliteratura Asturiana que va concedese cada tres años al conxuntu de toa una obra.

L’Academia de la Llingua Asturiana quería asina reconocer la contribución, de primer orde, de los escritores a la dignificación y normalización de la llingua dando pública anuncia de la creación del Premiu Nacional de Lliteratura Asturiana.

Esti premiu, que tendrá calter triañal, daráse-y a un escritor o escritora en función de los méritos del conxuntu de tola so obra. L’añu que vien, con motivu del Día de les Lletres, entregaráse’l premiu na so primer edición.

L’Academia siéntese especialmente contenta al poder comunicar socialmente esti determín porque camienta que se trata d’una decisión mui importante, darréu de la so carga simbólica, pa encontar el llabor de los y les escritores nuna llingua minoritaria como ye l’asturiana.

Tamién te podria gustar