Portada Conceyos La XXXVIII Feria del Quesu y del Vinu, y la XXXIX de Cerámica, axunten a 80 espositores de toa España y Portugal

La XXXVIII Feria del Quesu y del Vinu, y la XXXIX de Cerámica, axunten a 80 espositores de toa España y Portugal

by redacción asturnews

La XXXVIII Feria del Quesu y el Vinu, y la XXXIX Feria de Cerámica d’Avilés, van axuntar a 80 espositores de toa España y Portugal. Dos actividaes que van tener llugar la próxima fin de selmana, del vienres 17 al domingu 19 de mayu nel Pabellón de Feries y Esposiciones de La Madalena.

Les dos feries presentoles esta selmana, Ana Hevia, conceyala d’Eventos del Ayutamientu, xunta Isaura Souza, presidenta de l’Asociación de Queseros Artesanos d’Asturies; José Jiménez, presidente de l’Asociación Pláganu; Javier Nievas Andrés, Responsable de la Obra Social y Fundación de la Caxa Rural d’Asturies; Rubén Díaz, profesor del departamentu d’Hostelería del IES de Pravia, Anabel Barriu, directora de la Feria de Cerámica y de la Escuela de Cerámica; y Anxélica García, directora de la Galería d’Arte Amaga.

Entamaes pol Conceyu d’Avilés col sofitu de la Conseyería de Desenvolvimientu Rural y Recursos Naturales del Gobiernu del Principáu d’Asturies, y la collaboración de la Caxa Rural d’Asturies, van ser 80 espositores que se van asitiar na cortil ferial: 40 queseros; 14 bodegues, vinotecas y enoteques; 23 ceramistes y 3 panaderíes.

Ana Hevia destacó que mientres esta fin de selmana “Avilés conviértese tolos años en referencia nacional tantu nel mundu agroalimentario, con dos productos emblemáticos, como’l quesu y una actividá tan tradicional como la cerámica, bien enraigonada na ciudá”, y estimó l’esfuerzu de tolos estamentos ya instituciones que collaboren col Conceyu para “ameyorar en cada nueva edición”.

Los participantes de la Feria del Quesu, que’l so actu d’inauguración oficial va tener llugar el vienres 17 a les 13 hores, provienen de 7 comunidaes autónomes, y nesta edición, como adelantró la concejala, per primer vegada una quesería de Portugal que produz quesu de la DOP Transmontano en Bragança. Un quesu de cabra artesanu de fonda tradición nel país vecín.

Amás del lusitanu, los visitantes van tener la opción de tastiar distintes variedaes d’esti productu lácteo, de vaca, oveya, cabra, o d’amiestu de lleches, procedentes de toa Asturies, d’Oriente a Occidente, pero tamién del País Vascu, Cantabria, Castiella y Llión, Castiella La Mancha, Aragón y Estremadura. Ellaboradores fieles a la cita avilesina.

Coles mesmes, van poder acompañar la degustación de los quesos, como ye tradición, con vinos de bona parte de les denominaciones d’orixe d’España, lo mesmo que de la D. O. asturiana Vieno de Cangas. Les feries van permanecer abiertes del vienres 17 al domingu 18 de mayu, n’horariu ininterrumpíu de 11 a 23 hores.

Más información

Tamién te podria gustar