La XXXI Amuesa de Quesos del Oriente d’Asturies abre en Llanes

La XXXI Amuesa de Quesos del Oriente d’Asturies abre en Llanes
31 xunetu 12:38 2018 Imprimir

La villa llanisca va acoyer esti próximu domingu 5 d’agostu la trixésimu primer edición de l’Amuesa de Quesos del Oriente d’Asturies, una de les cites branices más venceyaes al mediu rural dientro del programa d’actividaes desenvueltu pol Conceyu de Llanes.

La cita va desenvolvese nes places de Santo Ana y Cimadevilla, onde volverán esibise pieces de los Beyos, Gamoneu, Pría, Cabrales, Vidiago, Porrúa, etc. La esposición de productos, que tendrán de presentase en cualquier tipu d’envase, debidamente etiquetaos y col nome y la dirección del participante, va realizar n’horariu de mañana y tarde.

Los productos presentaos tienen de ser ellaboraos na contorna del Oriente d’Asturies y en la mesma esplotación del participante, teniendo de cumplir la normativa vixente para la vienta de quesos.

La organización de la XXXI edición de l’Amuesa de Quesos del Oriente d’Asturies cuerre a cargu del Conceyu de Llanes, al traviés la Conceyalía de Agroganadería, cola collaboración de la Conseyería de Agroganadería y Recursos Autóctonos del Gobiernu del Principáu d’Asturies y el patrociniu de Caxa Rural.

  Categories: