La XX Feria D’Avientu d’Avilés tien puestos d’artesanía d’Asturies, Llión, Llugo y A Coruña

La XX Feria D’Avientu d’Avilés tien puestos d’artesanía d’Asturies, Llión, Llugo y A Coruña
30 avientu 16:05 2019 Imprimir

La XX Feria D’Avientu d’Avilés tien puestos d’artesanía d’Asturies, Llión, Llugo y A Coruña, destacasndo los talleres de cueru de Llugones, de cordura de Villaviciosa y de Llugo, y de navayes de Taramundi. El públicu ta esfrutando tamién de creaciones en xoyería y bixutería, como los acebacheros y plateros de ARCREA. Complentase col Mercadín Navidiegu asitiáu nel paséu del parque de Les Meanes.  En La Esposición hasta’l 6 de xineru.

Dos décades cumple yá la Feria D’Avientu, el Mercáu d’Artesanía de Navidá d’Avilés que llega a la so XX edición, qu’abrieron esti vienres 20 d’avientu nel recintu navidiegu de La Esposición. Cunta con 15 puestos d’artesanía certificaos, en casetes de madera d’estilu nórdicu, llegaos d’Asturies, Llión, Llugo y A Coruña.

El mercáu integrase nel ambiente navidiego de La Esposición, qu’amonta la so ufierta al averase les fiestes, y va cuntar cola so propia decoración. Un espaciu nel qu’entretenese y tamién adquirir regalos, y que se complementa un añu más col Mercadín Navidiegu asitiáu so una carpa nel paséu del parque de Les Meanes, que cunta con 22 tiendes de regalos, bixutería y complementos.

Ente los puestos de la Feria, destaca unu de los talleres de cueru más importantes del norte d’España, Alborecer, de Llugones. Tamién los de cordura, llegaos dende Villaviciosa y Llugo. Según xuno de les artesaníes mas conocíes d’Asturies, les navayes de Taramundi. Coles mesmes, la xoyería certificada artesana y la bixutería van tener especial visibilidá, con un llugar pa la conocida azabachería asturiana ARCREA, sofitada poles sos más de 20 años de trayectoria nel tratamientu y la creación n’acebache y ámbare, principalmente.

L’horariu d’apertura de les casetes ye de 11.00 a 22.00 hores, tolos díes, sacante’l el 31 d’avientu, que lo fadrá de 11.00 a 20.00 hores; y el día 6 de xineru, que va cerrar les sos puertes a les 18.00 hores.

  Categories: