La Xusticia Asturiana obliga al Principáu a subvencionar la segregación de neños y neñes hasta 2017

19 setiembre 07:43 2013 Imprimir

El Principáu vuelve perder la batalla de los conciertos frente a los dos colexos asturianos de Fomentu de Centros d’Enseñanza, porque Los Carbayos y Peñamayor van tener ayudes públiques hasta 2017 dempués de que dambos depositaren la fianza impuesta pol xulgáu en recurriendo la retirada de les subvenciones. Asina lo decidió ayeri’l Conseyu de Gobiernu del Principáu, qu’alcordó’l caltenimientu provisional de los conciertos educativos hasta l’añu 2017 de 23 unidaes de los centros de Siero y Llanera.

En concretu, van subvencionase seis unidaes d’Educación Primaria y cuatro unidaes d’Educación Infantil en Los Carbayos (masculín), amás de tres unidaes d’Educación Infantil, seis unidaes d’Educación Primaria y cuatro unidaes d’Educación Secundaria nel Colexu Peñamayor (femenín).

Según recordaron ayeri dende’l Gobiernu asturianu, el resolvimientu del 13 de febreru de 2013 pa la renovación de conciertos educativos del Principáu incluyía un artículu que señalaba la imposibilidá de suscripción o renovación de conciertos a aquellos centros con un sistema docente d’educación estremada por sexos», el modelu que dambos practiquen.

  Categories:
Loading Facebook Comments ...