Portada Educación La Xunta Pola esixe solución palos 14 centros ensin asturianu

La Xunta Pola esixe solución palos 14 centros ensin asturianu

by asturnet

Depués de que la selmana pasada se conociere que son 14 centros educativos los que tovía nun tienen cubierta la enseñanza d’asturianu o de gallego-asturianu, esta selmana la Xunta Pola Defensa de la Llingua quier poner nome y cara a les families que tán sufriendo esta situación: Na escuela Maestru Casanova de Cangas del Narcea son 200 neños y neñes los que tán quedando ensin clas d’asturianu, lo que ta provocando la indignación, bien comprensible ente les families que, con tol material y llibros compraos, tienen que ver cómo la Conseyería d’Educación nun fixo nada pa prever esta situación.

Por eso, dende la Xunta pola Defensa de la Llingua Asturiana “esiximos a la Conseyería d’Educación la solución d’estos problemes de manera inmediata y tamién, lo que diba ser muncho más eficaz, el cumplimientu de la so promesa de crear la Especialidá d’Asturianu nesta llexislatura, lo que diba ayudar a remediar la provisionalidá y precariedá de l’asignatura y del profesoráu”.

Tamién te podria gustar