La Xunta Moza convoca pal llunes otra concentración en defensa del títulu de grau nel Campus d’El Milán

by asturnet | noviembre 12, 2008 8:34 am

La Xunta Moza va dar el llunes día 17 una charla informativa a les 10.00 hores nel salón d’actos de Filosofía y que va tar siguida d’un paru de 15 minutos y d’una concentración en defensa d’un títulu de grau de llingua asturiana.

Les actividaes enmárquense dientro la campaña de denuncia y sensibilización que ta faciendo Xunta Moza pa desixir un tratu dignu y igualitariu pal asturianu na institución académica y que se van facer nel Campus de Milán.

Nun comunicáu fechu públicu esti día, la Xunta Moza diz siguir trabayando pa implicar a tolos sectores de la comunidá universitaria na defensa del nuesu patrimoniu llingüísticu y de los derechos educativos más elementales.

Source URL: http://asturnews.com/la-xunta-moza-convoca-pal-llunes-otra-concentracion-en-defensa-del-titulu-de-grau-nel-campus-del-milan/