Portada Sociedá La xunta directiva de la SGAE rexistra una moción de censura contra Hevia

La xunta directiva de la SGAE rexistra una moción de censura contra Hevia

by redacción asturnews

Un total de 18 miembros de la xunta directiva de la Sociedá Xeneral d’Autores y Editores (SGAE) rexistraron esti xueves 21 d’avientu una moción de censura contra’l presidente de la entidá, José Ángel Hevia.

La fecha pa encetar esta moción de censura tendrá de ser afitada pol mesmu presidente y, nesa xunta estraordinaria, va votase la so continuidá o cese. En función del orde del día qu’afite’l presidente, podría tamién votase’l so relevu en casu d’espolletar la moción.

Unu de los integrantes de la xunta directiva que sofitó esta moción de censura, Antonio Onetti (Colexu d’Obres Audiovisuales), confirmó que va ser unu de los candidatos a la presidencia en casu d’espolletar esta iniciativa. “Si sale adelantre, yo voi ser unu de los candidatos y aspiro a consiguir los sofitos abondos. Esto nun ye otra de les guerres de la SGAE, sinón xuna consecuencia natural d’una etapa tan intensa de Hevia na que nun se cumplieron les expectivas: alloñar la intervención de Cultura. Agora tamos n’otra fase del xuegu”, apuntó.

Pela so parte, Hevia esplicó que s’aprovechó una fisura por intereses personales y esa figura foi aprovechada por otros colexos y l’ambición y les enganíes pueden más que la estabilidá nun momentu. Ye bien lícitu, pero voi cola conciencia bien sele y l’arguyu de nun vencer a esos intereses”, dixo a Hevia, anque nun quixo dar más detalles nin nomes por creer “que solucione nada nin que sía elegante”.

Tamién te podria gustar