Sociedá La Xunta de Toponimia echa a andar llueu de seis años d’inoperatividá by asturnet 17 de mayu, 2004 written by asturnet 17 de mayu, 2004 30 Al sétimu añu pue dir la vencida. La Conseyería de Cultura, Comunicación Social y Turismu del Principáu convoca pa esta tarde la constitución de la Xunta Asesora de Toponimia, un organismu creáu y reguláu por lleis de 1998 y 2002 que na práctica yera inoperativu. Col so determín, la Conseyería quier que’l muérganu consultivu “valide y oficialice” los nomes de llugar d’Asturies. Eses foron les pallabres qu’emplegó la titular de Cultura, Ana Rosa Migoya, nel discursu institucional col qu’abrió en Xixón la XXV Selmana de les Lletres Asturianes, el pasáu 3 de mayu. Nesa alocución, la conseyera precisaba que yá foren escoyíos los miembros de la Xunta y taba llistu el reglamentu internu, y anunció la inclusión nel muérganu asesor de los llingüistes Fernando Álvarez Balbuena y Xulio Viejo. El llabor de la Xunta de Toponimia regulóse por llei n’ochobre de 1998, como desendolcu d’un puntu de la Llei d’Usu y Promoción del Bable / Asturianu, promulgada esi mesmu añu. Magar d’ello, un decretu posterior remocicó n’abril de 2002 el funcionamientu de la Xunta de Toponimia y añadió-y la denominación de “asesora” col envís de sorrayar el so calter consultivu. Según establez la llexislación, la Xunta Asesora de Toponimia del Principáu d’Asturies ha tar presidida pol Director Xeneral de Cultura, nesta llexislatura Carlos Madera, ya inclúi como vocales a representantes de l’Academia de la Llingua, la Universidá d’Uviéu y el Real Institutu d’Estudios Asturianos (RIDEA). Última regulación de la Xunta nel BOPA 0 FacebookTwitterPinterestEmail Anterior Los centros etnográficos aporten la quinta parte de los visitantes a museos asturianos siguiente Chus Pedro y Gatos del Fornu encabezarán la representación asturiana en Lorient Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón Blanca Fernández foi la pregonera de la XXVII... L’ALLA abre’l plazu pa los cursos de la...