Portada Política La Xunta de Toponimia aconceya mañana per primera vegada nesta llexislatura

La Xunta de Toponimia aconceya mañana per primera vegada nesta llexislatura

by asturnet

La Nueva Xunta Asesora de Toponimia d’Asturies (XATA) aconceyarase mañana vienres pela mañana per primera vegada nesta llexislatura depués de que diere anuncia en Payares de la so formación la Directora Xeneral de Cultura, Consuelo Vega, na presentación del Anuariu de la XATA. Nesti aconceyamientu constituyente tarán presentes la presidenta de l’Academia, Ana Cano, xunta Ramón d’Andrés y Fernando Balbuena como espertos nomaos pola Conseyería de Cultura

La Xunta Asesora de Toponimia d’Asturies ye la encargada de realizar el procesu d’investigación de los topónimos tradicionales, mediante l’estudiu de la documentación tanto lliteraria como de tradición oral, y sigún adelantó Consuelo Vega yá en Payares, va tar presidía pola propia Directora Xeneral de Cultura y van formar parte d’ella los directores xenerales de Cooperación y Ordenación del Territoriu, los espertos, Ramón d’Andrés y Fernando Balbuena, y representantes de la Universidá d’Uviéu, l’Academia de la Llingua, na persona de la so presidenta Ana Cano, y el Ridea. La so secretaria va ser María Antonia Pedregal, l’actual xefa de la Oficina de Política Llingüística.

Tamién te podria gustar