La Xunta de Gobiernu de Xixón aprueba’l cambéu d’usu de la Casa Paquet

La Xunta de Gobiernu de Xixón aprueba’l cambéu d’usu de la Casa Paquet
19 08:56 2020 Imprimir

La Xunta de Gobiernu del conceyu de Xixon, axuntada esti martes de forma telemática pa garantizar les midíes de seguridá por cuenta de la pandemia, aprobó’l cambéu del contratu d’arrendamientu de la Casa Paquet para destinalo a servicios alministrativos, centru d’información turística de Xixón y see d’eventos culturales, turísticos y formativos.

D’esta miente, el so cambéu d’usu implica un beneficiu y utilidá para la ciudadanía dada la necesidá d’espacios que tien el Conceyu p’agospiar los distintos servicios venceyaos al exerciciu de competencies propies.

Una vegada remataes les obres de reforma d’esti equipamientu, habría qu’efectuar múltiples acciones por que cumpla colos requisitos de seguridá, usu y accesibilidá y poder ser utilizáu como Albergue del Camín de Santiago, Centru d’Información Turística sobro’l Cambéu de Santiago y de Xixón, y See d’Eventos Culturales, Turísticos y Formativos, tal que taba contempláu nel contratu inicial de 2016 suscritu cola propiedá, l’Institutu Catequista Dolores Sopeña. Por tanto, acorde al códigu Técnicu de la Edificación y dada la máxima catalogación patrimonial del edificiu, nun ye vidable llevar a cabu xuna actuación integral que supla eses faltes nun edificiu que nun ye de propiedá municipal.

  Categories: