La Xunta de Gobiernu aprueba’l primer Plan Añal Normativu del Conceyu d’Uviéu

La Xunta de Gobiernu aprobó la selmana pasada’l Plan Normativu Municipal 2017, cumpliendo asina colo qu’establez la Llei 39/2015, de 1 d’ochobre, del Procedimientu Alministrativu Común de les AAPP. Dicha Llei que tamién establez que’l Plan tendrá de ser publicáu nel Portal de la Tresparencia de l’Alministración Pública una vegada aprobáu.

Esti documentu recueye les iniciatives llegales o reglamentaries que l’Equipu de Gobiernu pretende acometer nel presente exerciciu, anque’l so cumplimientu nun ye obligatoriu. Caúna de les Conceyalíes unvió les sos propuestes a la Secretaría municipal  coles mires d’ellaborar esti Plan que va sirvir de guía al Consistoriu nel presente exerciciu y que tien el siguiente conteníu no que cinca a Educación y Deportes:

1. Educación:

Dende esta área quier modificase l’actual Reglamentu Xeneral del Conseyu Escolar Municipal  coles mires d’ameyorar la so composición y normativa de funcionamientu pa ganar n’axilidá.

Coles mesmes, van camudase les bases reguladores de les subvenciones pa l’alquisición de llibros de testu y material didáctico complementariu y pa comedores escolares,  al envís d’afaer dichu testu a nueves necesidaes y en conexón cola posibilidá de que se tramite un nuevu contratu de xestión de comedores escolares que recueya servicios que puedan ser oxetu d’ayuda.

2. Deportes:

van modificase dellos anexos de la Ordenanza Xeneral de Subvenciones  coles mires d’incluyir nueves llínees de subvenciones y nuevos colectivos de destinatarios, como’l de mozos deportistes o, nel ámbitu de les persones xurídiques, les federaciones de deportes autóctonos y federaciones deportives autonómiques pa persones con discapacidá. Tamién se van introducir nuevos criterios de valoración, como por casu, la esistencia d’equipos de categoría femenina participando en competiciones oficiales.