Portada Conceyos La Xunta de Gobiernu aprueba más de 351.000 euros n’ayudes de ‘Xixón Reinicia’

La Xunta de Gobiernu aprueba más de 351.000 euros n’ayudes de ‘Xixón Reinicia’

by redacción asturnews

La Xunta de Gobiernu, aconceyada telemáticamente esti martes, 10 de payares, aprobó 250 ayudes del programa ‘Xixón Reinicia’ por un total de 351.333’11 euros. Del total d’ayudes aprobaes,129 correspuenden a la llínea 1 (315.021´99 euros) y 121 a la llínea 2 (36.311’12 euros).

La llínea 1 busca facilitar la reincorporación al trabayu de les persones afectaes por un ERTE con una subvención de 1.500 euros per trabayador/a incorporáu/ada a xornada completa o parte proporcional en casos de contratu a tiempu parcial. Y la llínea 2, con una subvención máxima de 500 euros, destinada a los gastos de reapertura de negociu o actividá económica. El creitu asignáu a dambes llínees ye de 5 millones d’euros, 3.500.000 euros na llínea 1, y 1.500.000 euros na llínea 2.

Una vegada verificada la esistencia de creitu abondu para faer frente a les 2.040 solicitúes presentaes, ser alcordó resolver los espedientes por rioles, a midida que vaigan rematándose les xeres de comprobación y subsanación.

Más información

Tamién te podria gustar