La Xunta de Gobiernu aprobó’l nomamientu del Parque de La Pixarra n’Uviéu

by redacción asturnews | mayo 11, 2018 5:19 pm

L’equipu de Gobiernu aprobó güei que’l parque asitiáu nel Barriu de les Flores, concretamente na Colonia Guillén La Fuerza, lleve’l nome de “La Pixarra”. 

Esta propuesta partía del pidimientu l’Asociación de Vecinos de la zona, que’l pasáu mes de marzu solicitara esta reconocencia. Dende la área d’Estadística, dirixida pola conceyala Cristina Pontón, formalizóse esti pidimientu y tres l’aprobación na Xunta de Gobiernu va dar en entamar un actu nel barriu y asitiar la placa conmemorativa.

Emilia García, conocida como “La Pixarra”  finó en 2006 y ye un símbolu de l’afición del Real Uviéu, a la que perteneció tola so vida.

Source URL: http://asturnews.com/la-xunta-de-gobiernu-aprobol-nomamientu-del-parque-de-la-pixarra-nuvieu/