LliteraturaSociedá La Xunta d’Andalucía plantega la compra de llibros y obres d’arte by redacción asturnews 2 de mayu, 2020 written by redacción asturnews 2 de mayu, 2020 83 La Xunta d’Andalucía plantega allegase n’auxiliu de la cultura por aciu la compra de llibros y obres d’arte. La Conseyería de Cultura y Patrimoniu Históricu va destinar 430.000 euros a l’alquisición de llibros pa solliviar la situación de paralís económicu y d’actividá que traviesa’l sector del llibru n’Andalucía pola crisis del coronavirus. Cultura esplicó nun comunicáu qu’esta midida tien de tener una repercusión directa nes editoriales y les llibreríes andaluces, dempués de que la conseyera Patricia del Pozo axuntárase con representantes del sector. La conseyería señaló qu’esta inversión, incluyida nel Plan d’Impactu pola Cultura, tien una partida global de 430.000 euros y va dirixida “a apurrir lliquidez a los sellos editoriales andaluces y a les llibreríes, especialmente les de proximidá xestionaes por pymes y autónomos, col propósitu de desaniciar el cese d’actividá que sufrieron n’una de les dómines de mayores vientes, la que coincide cola celebración de les feries del llibru”. Esta midida sumase a les yá puestes en marcha pola conseyería y que siguen vixentes a pesar del estáu d’alarma, como’l sofitu pa l’asistencia, cuando puedan celebrase, a les feries del llibru con ayudes directes dende’l Centru Andaluz de les Lletres (CAL) de 25.000 euros y el pagu de el espositores por un montante de 20.000 euros. La Federación Andaluza de Llibreros (FAL) considera “bien pequena” la llínea de compra de llibros pero celebra que s’abriera un camín de collaboración. La Conseyería de Cultura tamién va destinar 500.000 euros para l’alquisición d’obres pa sofitar a los artistes y les galeríes andaluces énte la interrupción de les actividaes espositives y de vienta d’arte Patricia del Pozo indicó, según un comunicáu, que “la iniciativa ye frutu del analís pormenorizáu de la situación d’artistes, galeríes y comisarios, según del diálogu calteníu col sector a lo llargo de les últimes selmanes”. La nueva partida destinada a l’alquisición d’obres d’arte casi triplica los fondos destinaos al mesmu fin nos presupuestos de 2019, y ye cinco vegaes más que’l global invertíu en 2018. 0 FacebookTwitterPinterestEmail Anterior Refugu na comunidá educativa a la vuelta a clas de los neños d’Infantil siguiente Avilés y Asturgar ponen a disposición de PYMES y autónomos del conceyu 2 millones d’euros n’avales Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre La llangreana Beatriz Quintana gana’l premiu de narrativa... Aína entama’l cursu políticu con un actu n’Uviéu La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón Blanca Fernández foi la pregonera de la XXVII...