Portada Fiestes La Xunta Cultural Rebelgu convoca una protesta contra la organización de Les Feries de L.lena

La Xunta Cultural Rebelgu convoca una protesta contra la organización de Les Feries de L.lena

by asturnet

La Xunta Cultural Rebelgu tien previsto aconceyar esti llunes con tolos colectivos de La Pola L.lena pa tratar los temes tocantes a la que consideren ‘mui mal organización’ de Les Feries, convocando una concentración de protesta’l proximu día 11, a les ocho la tarde, coincidiendo col pregón de les fiestes. Pa Rebelgu, ye una ‘total falta de respetu’ per parte del alcalde los comentarios que fai nun cartafueyu sobre les feries “nel que vien a dicir que nes fiestes ‘lo importante nun ye gastar en pitos y flautes’ y ‘los que seyan críticos coles feries que beban un poco más de vinu del habitual’ “.

La Xunta Cultural Rebelgu considera que la organización de Les Feries va de mal en pior y pa ello, recuerda cómo nes feries del añu pasáu los grupos l.lenizos como La Col.lá Propiden, Adizión Etítilika, Dark la eMe, Ampicoyo y los mokomitas, asina como la banda de gaites Güestia, xunto col grupu de teatru local, sacaron un comunciáu nel que denunciaben que nes feries nun se cuntó con dengún d’ellos. Esta tema, según Rebelgu, llevó al raperu Dark la eMe a facer un cantar llamáu ‘Vox Populi’ nel que criticaba la ‘pesima xestión de la conceyala de Cultura, Paz García, que dende esi momentu aplicó una censura contra los grupos locales que tovía ta en vigor’.

Rebelgu, qu’esta tarce aconceya con otros colectivos de la zona pa tratar esti asuntu asina como p’afalalos a sumase a la protesta que van facer coincidir col pregón de Les Feries, denuncia que la organización ‘tien el valor de cobrar entrada polos conciertos de l’axenda musical que son subvencionaos pol Gobiernu d’Asturies y amás de metelos nel programa de feries pa facer como si lo organizaren ellos, cuando en realidá nun tien nada que ver coles fiestes’.

Tamién te podria gustar