La Xunta contabiliza en más de 2.000 los asistentes al XXI Conciertu pola Oficialidá

28 abril 08:08 2009 Imprimir

Pocos díes dempués de la celebración del XXI Conciertu pola Oficialidá, los organizadores faen balance del resultáu d’asistencia al mesmu, que pese a “que la lluvia nun dio tregua” tuvo “riaes de xente enllenando la carpa”, conviertiendo la convocatoria nun ”ésitu de convocatoria y una amuesa mui bona de la calidá y vitalidá de la música n’asturianu”.

El conciertu foi, según los voceros de la Xunta pola Defensa de la Llingua Asturiana “un bon escaparate pa les campañes y materiales de la Xunta, y fundamentalmente pa la convocatoria de la manifestación pola oficialidá del Día de les Lletres Asturianes”.

Los Xunta contabiliza en ”más de dos mil persones” los asistentes al conciertu nel que se pudo esfrutar de los sones tradiconales de los veteranos del tríu Tuenda y de los Gatos del Fornu.

La Xunta pola Defensa de la Llingua Asturiana quixo agradecer “el compromisu y la solidaridá demostraos por tolos grupos y artistes. El so apoyu ha valir pa poder siguir lluchando por algamar l’oxetivu de la oficialidá”.

  Categories:
Loading Facebook Comments ...