La xunta aprueba’l Plan de Dignificación d’IX

La xunta aprueba’l Plan de Dignificación d’IX
16 ochobre 14:19 2015 Imprimir

El Parlamentu d’Asturies aprobó güei una proposición non de llei a instancies d’Izquierda Xunida pa la puesta en marcha d’un Plan de Dignificacion de la Llingua Asturiana, col votu en contra namái que del PP.Tolos grupos, salvo’l PP, que votó en contra, y Ciudadanos, que s’abstuvo, sofitaron la propuesta, tres la inclusión d’enmiendes de Foru, PSOE y Podemos, aceptaes por IX, que buscaba’l máximu sofitu por que’l Plan tenga’l mayor respaldu posible.

Los finxos del plan pasen pola creación del Grau en llingua asturiana na Universidá, garantizar la ufierta de la enseñanza nos centros alcordaos y la emisión n’asturianu d’un 30% de la programación de la TPA, como ya anunciare hai dies Izquierda Xunida. El grupu parlamentariu d’IX llevaba al plenu d’esta selmana na Xunta Xeneral esta Proposición Non de Llei sobre dignificación del asturianu, nes instituciones, medios de comunicación y toponimia porque, a xuiciu de Gaspar Llamazares, voceru parlamentariu na Xunta, “inda hai un desenvolvimientu que faer cola actual llei del asturianu, la Llei d’Usu y Promoción”.

La Proposición Non de Llei inclúi una batería de puntos nos que demanda dende rematar la negociación col MEC pa reconocer la especialidá docente de la llingua y el gallego-asturianu en Primaria y Secundaria, a impulsar la creación del Grau en llingua asturiana na Universidá d’Uviéu, ensin escaecer otres cuestiones básiques como garantizar la ufierta de la enseñanza nos centros alcordaos, la emisión n’asturianu d’un 30% de la programación de la TPA, o la progresiva implantación del asturianu nel BOPA, ente otres cuestiones.

  Categories:
Loading Facebook Comments ...