Portada Conceyos La XIX Seronda n’Avilés festexó les tradiciones de la seronda asturiana

La XIX Seronda n’Avilés festexó les tradiciones de la seronda asturiana

by redacción asturnews

La XIX Seronda n’Avilés, que se celebró esti vienres 21 y el sábadu 22 d’ochobre, na plaza de Les Aceñes (Hermanos Orbón) festexó les tradiciones de la seronda asturiana. Col protagonismu de la música y baille, la gastronomía y los productos típicos, nuna carpa na plaza de abastos.

Tres del paréntesis de la pandemia, torna a la programación cultural d’Avilés una de les sos señes d’identidá tocantes a el caltenimientu del patrimoniu inmaterial asturianu, como ye la Seronda, na so XIX edición. Una invitación a esfrutar de les tradiciones venceyaes a la seronda, esti vienres 21 y sábadu 22 d’ochobre, na plaza Hermanos Orbón, o lo que ye lo mesmo, la plaza de -yos Aceñes.

La gastronomía, la danza, los productos típicos, y sobremanera la música, fueronlos grandes protagonistes nesta nueva edición de Seronda N’Avilés, que concentró la so actividá na carpa nel interior de la plaza y cunó con un chigre, al cargu de la Asociación Cultural de Piniella, nel que pudieron tastiase los manxares de la seronda ástur, como les castañes, la sidra o los tortos de maíz, y siempres, na compañía de la meyor música de raigañu.

L’avilesina Eva Texedor foi la encargada d’ufiertar el conciertu que pesllaba la primer xornada del vienres de la Seronda, acompañada por Les Pandereteres, a les 22.00 hores. Al otru día, el sábadu 22, l’actividá vempezó yá pela mañana cola apertura de la carpa a les 12.00 hores. Y a les 12.30 hores, la música tomó l’espaciu col Festival de cantar asturianu” qu’ufiertó la Escuela de Tonada Anabel Santiago. Y pa entrar na tarde, a les 14.30 hores, preparose una “xinta popular”, a base de pote de berces y arroz con lleche.

Pela tarde, dominiu total de la música, cola actuación de la Banda de Música d’Avilés xuntu al grupu Compañeres, a les 19 hores. Y a les 20.30 hores, “nueche en danza” con Pandereteres de Fitoria pa que’l broche a la Seronda punxéralu’l gaiteru Xuacu Amieva, que actua´p con Dobra, a les 22.00 hores.

Tamién te podria gustar