Portada Comunicación La XDLA pide retirar la subvención a la Cátedra Alarcos

La XDLA pide retirar la subvención a la Cátedra Alarcos

by redacción asturnews
Captura de la Web de la Xunta Pola Defensa de la Llingua

La XDLA pide al Conceyu d’Uviéu que retire la subvención a la Cátedra Alarcos y a la Universidá que tome midíes, al tiempu que quier espresar la so condena más firme a les declaraciones llamentables y deliriantes feches por Miguel Alarcos.

Les declaraciones feches nel marcu de la cátedra que lleva’l nome de so padre y que preside so madre son pala la Xunta pola Defensa de la Llingua Asturiana (XDLA) un ataque “que da vergüenza ayena y que ye más grave tovía al venir d’un miembru de la comunidá universitaria. La Universidá d’Uviéu, institución encargada y pagada pa curiar la cultura asturiana, tien que refugar dafechu esti tipu de comportamientos ente’l so profesoráu. Ye indignante pensar que nes sos facultaes habiten personaxes que faen escarniu públicu de manera irracional y acientifica de los derechos de les persones a usar la so propia llingua en cualquier circunstancia y que desprecien a compañeros investigadores qu’estudien la llingua asturiana. Esperamos, por eso, que la Universidá tome les midíes necesaries pa evitar d’una vez estes agresiones”.

De la mesma manera, soliciten al Conceyu d’Uviéu “la retirada de tou fondu públicu a la cátedra mentada al nun respetar los derechos de les persones falantes d’asturianu recoyida na llexislación vixente nin el patrimoniu llingüísticu d’Asturies. Nun se pue consentir gastar dineru público pa patrocinar entidaes que discriminen sistemáticamente a una parte importante de la sociedá asturiana”.

Tamién te podria gustar