La XDLA pide a la delegada del Gobiernu nueva que respete la llingua y l’autonomía municipal

La XDLA pide a la delegada del Gobiernu nueva que respete la llingua y l’autonomía municipal
15 xunu 10:25 2018 Imprimir

La Xunta pola defensa de la Llingua (XDLA) vieno acbante pidir nuna nota de prensa asoleyada esti vienres que la delegada del Gobiernu nueva respete la llingua asturiana y l’autonomía municipal y faiga les xestiones necesaries pa que les instituciones estatales respeten la toponimia oficial asturiana.

La Xunta pola Defensa de la Llingua Asturiana (XDLA) quier felicitar a la delegada nueva del Gobiernu n’Asturies, Delia Losa, pol so nomamientu, al empar que-y solicita que ponga fin a los ataques que dende la entidá qu’agora va encabezar s’entamaron contra’l nuestru patrimoniu llingüísticu.

Foron ataques contra la llingua asturiana y contra l’autonomía de los conceyos, dicen na XDLA “porque, con Gabino de Lorenzo actuando como executor de los prexuicios de dalgunos dirixentes del Partíu Popular, atacóse y recurrióse xudicialmente toles midíes qu’intentaron llevar alantre los conceyos pa normalizar l’usu del nuestru idioma”.

A pesar de que la Llei d’Usu y Promoción del Asturianu (esa qu’agora tanto dicen defender los contrarios a la oficialidá anque enantes nun miraren pa ella) señala que los conceyos tienen potestá pa exercer la so propia política llingüística, Delegación de Gobiernu recurrió toles ordenances d’usu del asturianu y planes de normalización aprobaos por conceyos como Noreña, Carreño o Bimenes.

  Categories:
Loading Facebook Comments ...