EducaciónSociedá La XDLA faise eco de la denuncia de les incongruencies del Día de les Ciencies asturianes by redacción asturnews 18 de payares, 2015 written by redacción asturnews 18 de payares, 2015 63 La Xunta Pola Defensa de la Llingua recoyía esti día na so web la quexa de la profesora de Llingua asturiana y Lliteratura nel IES de Salinas, Llucía Menéndez Suárez. “Escríbovos estes llinies porque prúyeme la sangre, les uñes y los pies depués d’asistir el martes pasáu al VI Día de les Ciencies asturianes” con esti sentir entamaba la profesora del IES de Salinas una carta na que ponía enrriba la mesa la incoherencia de “programar un actu nel que les protagonistes son l’asturianu y el gallego-asturianu con un ponente que nun fala nenguna de les dos llingües“. daqué que pasara esti día “Y nun ye la primer vez que la Conseyería promueve esti tipu d’actividaes diglósiques: hai un par d’años, nel IV Día de les Ciencies asturianes, López-Otín ofreció una conferencia sobre les molécules en perfectu castellanu”, sigún fai alcordanza la profesora notru momentu de la so carta, que pue lleese completa na web de la Xunta pola Defensa de la Llingua. Llucía Menéndez Suárez fai alcordanza nesa carta de que “como bien sabéis d’esti y otros años, la Conseyería d’Educación, al traviés de la estaya en materia d’asturianu y gallego-asturianu, “Enseñances deLlingua asturiana/Gallego-asturianu”, convoca tolos años al alumnáu d’estesmateries a una xornada científica en llingua asturiana”. y diz cuidar que “l’oxetivu d’esti eventu, aparte de divulgar el conocimientu científicu ente la comunidá escolar, en viendo a quién tien como destinatarios y destinataries, ye contribuir a la superación del conceptu diglósicu de les dos llingües asturianes col usu normalizáu, nesti casu, del asturianu nun ámbitu prestixáu socialmente, como ye’l científicu; aparte d’esterrar prexuicios vieyos sobre les posibilidaes y compentencia del idioma pa espresar conocimientos alloñaos de la cultural popular”. Como la conferencia ufiertada fue dafechu en castellán, la profesora entrúgase pola necesidá de “que la presencia del asturianu o’lgallego-asturianu sía condición *sine qua non *na la celebración d’esti eventu”. Lo que Llucia Menéndez Suárez diz nun enteder ye por qué la máxima autoridáeducativa “marafundia’l perprobe presupuestu pa la promoción de les llingüesautóctones n’eventos que fomenten prexuicios llingüísticos sobre les llingües minorizaes d’Asturies2″ y entrúgase al altu la lleva “¿Qué ye lo qu’aprendió l’alumnáu qu’asistió al VI Día de les Ciencies asturianes? Que cuando se trata de conocimientu científicu, magar que se declare la intención de facelo n’asturianu, impera la llingua de prestixu, el castellanu, la única llingua de cultura nesti país. En cualquier llugar, el fechu de gastar los fondos pa ladignificación y normalización d’una llingua minorizada n’afitar la so subordinación y discriminación, echando per tierra tola teoría sociollingüística, tendría de suponer un escándalu públicu y la dimisión de los responsables. Equí, la comunidá que falamos asturianu o gallegu-asturianu, vivimos en tal nivel de precariedá qu’aplaudimos cualesquier iniciativa acríticamente, anque dacuando se vuelva escontra nós”. Por too esto pide na so carta apoyu y collaboración “pa mandar un escritu a la Conseyería d’Educación “denunciando’l VI Día de les Ciencies Asturianes, tal y como la institución lo vien concebiendo y desenvolviendo, y esixiendo iniciatives que contribuyan a la normalización y dignificación efectiva del asturianu y del gallego-asturianu dientro del ámbitu educativu”. Pa rematar, la mesma organización del eventu foi, según la profesora un desastre dafechu: ” la descoordinación ente la estaya “Enseñances de Llingua asturiana/Gallego-asturianu” y la empresa contratada pa xestionar l’actu, Recrea, foi absoluta, llamares a quien llamares señalábense mutuamente col deu pero, en resultes, naide sabía nada”. Día de les Ciencies asturianesdiscriminación llingüísticanormalización del asturianunormalización socialpolítica llingüísticaXDLAXunta Pola 0 FacebookTwitterPinterestEmail Anterior Andecha Astur lleva la discriminación llingüística esti día al Parlamentu Européu siguiente Uviéu acueye l’Asturies Revolution Tour Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón Blanca Fernández foi la pregonera de la XXVII...