La XDLA entama un cursu avanzáu d’Asturianu

La XDLA entama un cursu avanzáu d’Asturianu
19 febreru 14:07 2016 Imprimir

La Xunta pola Defensa de la Llingua Asturiana entama un cursu d’afondamientu llingüísticu pa persones adultes de 40 hores de duración.

La Xunta pola Defensa de la Llingua Asturiana (XDLA) entama esti cursu d’afondamientu llingüísticu de 40 hores de duración, nel que los los alumnos y alumnes van poder perfeccionase nel bon usu del idioma tanto a nivel escritu como oral, amás de nes rellaciones ente llingua y sociedá.

Les clases van escomenzar el martes 1 de marzu, nel local de la organización, el Conceyu Abiertu, na cai La Gascona 12, baxu A, d’Uviéu, y n’horariu de 19’00 a 21’00 hores, los martes y xueves (horariu provisional hasta concretar y apautar cola xente matriculao).

El preciu de la matrícula completa ye de 20 euros y pa inscribise nun fai falta tener nenguna titulación o profesión concreta. Sicasí, aconséyase a les persones que se vaigan matricular que tengan una conocencia básica de la espresión escrita y oral del idioma.

Toles persones interesaes puen apuntase llamando al 985 22 95 53 o al 679 65 09 98, o bien mandando un mail a la dirección info@exunta.org Hai que recordar que la Conseyería d’Educación y Universidaes a la Xunta pola Defensa de la Llingua Asturiana como entidá organizadora d’actividaes de formación permanente del profesoráu.

Loading Facebook Comments ...