La XDLA convoca una concentración esti llunes na Delegación del Gobiernu

La XDLA convoca una concentración esti llunes na Delegación del Gobiernu
25 xunetu 08:36 2016 Imprimir

Na carta de la semeya, Gabino de Lorenzo requería esta selmana al Conceyu de Noreña pa qu’anule la ordenanza d’usu del asturianu, aprobada recién y pa “denunciar esti esterminiu planificáu del nuesu idioma”, la Xunta pola Defensa de la Llingua Asturiana convoca una concentración que va desenvolvese esti llunes 25 de Xunetu delantre la Delgación del Gobiernu na Plaza España d’Uviéu a les 12 de la mñana.

El delegáu del Gobiernu en funciones del PP volvía esta selmana a atacar los derechos llingüísticos d’Asturies y como nes últimes vegaes, l’oxetivu del so ataque son los fundamentos mesmos de la esistencia del idioma: l’usu llibre de la llingua d’unos vecinos y vecines cola so Alministración más averada decidíu democráticamente.

Na carta de la semeya, Gabino de Lorenzo requier al Conceyu de Noreña pa qu’anule la ordenanza d’usu del asturianu, aprobada recién y por mor d’ello la Xunta Pola Defensa de la Llingua asoleyaba esta fin de selmana una nota de prensa na que dexaba bien a les clares que’l Delegáu del Gobiernu “nuna argumentación tautolóxica y falsera niega que l’asturianu pueda usase con normalidá pol Conceyu y los sos ciudadanos y ciudadanes por nun ser oficial, cuando otres veces afirma que nun pue ser oficial hasta que nun s’use con normalidá. Esti círculu viciosu ye un intentu claru y desesperáu d’acabar cola llingua tarazando los pocos pero firmes avances que tán faciéndose nos conceyos nel camín hacia la normalización y hacia la oficialidá”.

“Pa denunciar esti esterminiu planificáu del nuesu idioma”, la Xunta pola Defensa de la Llingua Asturiana convoca una concentración que va desenvolvese esti llunes 25 de Xunetu delantre la Delgación del Gobiernu na Plaza España d’Uviéu.

Nel comunicáu asoleyáu na fin de selmana fain un llamamientu “a tolos asturianos y asturianes, a toles organizaciones polítiques y sindicales, a representantes na Xunta Xeneral y nos conceyos a xuntase con nós esi día pa dici-yos lo más enérxicamante que séamos quién que queremos la nuesa llingua reconocida llegalmente cola OFICIALIDÁ, queremos poder usar la nuesa llingua con LLIBERTÁ y NORMALIDÁ. En definitiva QUEREMOS PODER VIVIR N’ASTURIANU”.

  Categories:
Loading Facebook Comments ...