ConvocatoriesEducación La VIII Sestaferia Educativa dedicase a la oralidá nes clases de Llingua by redacción asturnews 7 de payares, 2018 written by redacción asturnews 7 de payares, 2018 91 La VIII Sestaferia Educativa empobinada al profesoráu de llingua asturiana dedicase esti xueves a la oralidá nes clases de Llingua. Nesta VIII edición van presentase estremaos enfoques metodolóxicos pal tratamientu de la oralidá nes clases de Llingua Asturiana y Lliteratura y Gallego-Asturianu a lo llargo de tol día y va aldericase sobre’l plan piloto de primaria. Dirixíu a Profesoráu de Llingua Asturiana y Gallego-Asturianu de Primaria, Secundaria y Bachilleratu la VIII Sestaferia Educativava celebrase esti xueves 8 de payares, n’horariu de 9:00 a 19:30, nel Institutu de Prevención de Riesgos Llaborales del Principáu d’Asturies n’Uviéu. Con una duración de 9 hores, que supón un creitu de formación pal profesoráu participante, la Sestaferia va empobinase a meyorar la interacción oral ente’l profesoráu y alumnáu, conocer y descubrir estratexes del aprendizaxe pa la meyora de la espresión ora, ufiertar orientaciones metodolóxiques pa desendolcar nel alumnáu soltura espresiva oral nes sos presentaciones orales, tanto en situaciones interactives (conversaciones, diálogos, debates) como en situaciones non-interactives (informes orales, disertaciones) y aplicar nel aula los conteníos y materiales ellaboraos diseñando situaciones d’aprendizaxe. Amás, el programa quier sirvir pa compartir y difundir emplegando ferramientes web 2.0 les esperiencies y el trabayu col alumnáu de los centros participantes, conocer y proponer esperiencies educatives d’éxitu nel ámbitu de la llingua asturiana, ufiertar un averamientu, al traviés de talleres, a los enfoques pedagóxicos distintos nel tratamientu de la oralidá nes clases de Llingua Asturiana y potenciar el procesu d’enseñanza-aprendizaxe de la oralidá de la llingua al traviés del teatru. Los conteníos d’esta VIII Sestaferia Educativa encadármense nestes seis estayes: Considerances xenerales sobre la enseñanza de la espresión oral. Estratexes pal desenvolvimientu de la espresión oral nel aula: falar y escuchar. El teatru como ferramienta pal desenvolvimientu de la oralidá. Les característiques de la esposión oral: comunicación verbal y non verbal. Estratexes pal desenvolvimientu de la espresión y la interacción oral. Esperiencies educatives alredor de la oralidá de la llingua asturiana. 0 FacebookTwitterPinterestEmail Anterior El Plan piloto d’usu del asturianu fina’l so primer añu con un bon balance siguiente La XDLA critica lo asocedío n’Avilés Tamién te podria gustar Payares acueye les XLI Xornaes Internacionales d’Estudiu de... Nun Tris abre les Xornaes del Festival Nel... Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes L’ALLA abre’l plazu pa los cursos de la... “Misteriu nel Soterrañu” algama’l premiu Alfonso Iglesias de... Tapia acueye la presentación del II Premiu «Quiastolita»... El Principáu y la UOC firmen un conveniu... Asturies destaca en comprensión llectora