Portada Educación La VII Sestaferia del profesoráu sedrá’l 26 d’abril n’Uviéu

La VII Sestaferia del profesoráu sedrá’l 26 d’abril n’Uviéu

by redacción asturnews

Potenciar el procesu d’enseñanza-aprendimientu de la llingua asturiana al traviés de les alfabetizaciones múltiples ye l’obxetivu de la VII Sestaferia del profesoráu de llingua asturiana que col títulu d’Alfabetizaciones múltiples dende la llingua asturiana va desenvolvese esti 26 d’abril n’Uviéu.

La VII Sestaferia del profesoráu de llingua asturiana va desenvolvese esti 26 d’abril nel Institutu Asturianu de Prevención de Riesgos Llaborales, col enfotu de proponer esperiencies educatives d’éXitu nel ámbitu de la llingua asturiana. Ufiertar un averamientu, al traviés de talleres, a los diferentes enfoques pedagóxicos de les alfabetizaciones múltiples dende la llingua asturiana va ser otru de los obxetivos d’esta VII Sestaferia.

Los contenidos van averase a les lfabetizaciones múltiples nel proyectu llingüísticu de centru, les esperiencies educatives alredor de la llingua asturiana.  Y eso ensin escaecer otru enfoque de la enseñanza del gallego-asturianu, cola metodoloxía ALFIN, trabayu cooperativu y competencies clave nel aula de LAL, al traviés de talleres didácticos.

Presentaranse delles esperiencies al traviés de ponencies, al tiempu que s’ufren pela tarde cuatro talleres simultáneos, polos que van dir rotando los y les participantes .

El plazu d’inscripción va tar abiertu hasta’l 19 d’abril na web del Centru del Profesoráu y de Recursos Cuenques Mineres.

Tamién te podria gustar