Portada Gastronomía La VII Ruta de la fabada entama’l Camín de Santiago dende so orixe

La VII Ruta de la fabada entama’l Camín de Santiago dende so orixe

by redacción asturnews

L’Alcalde, Alfredo Canteli y el conceyal de Turismu, Alfredo García Quintana, presentaron esti llunes, nel salón de plenos, la VII Ruta de la fabada. Tuvieron acompañaos pol promotor de la iniciativa, Nacho Sandoval; Jose Luque, Chef Executivu del Hotel Palace; Juan Pozuelo, Cocineru de Canal Cocina; Rebeca Hernández, del Restorán La Berenxena de Madrid; la periodista Concha Crespo y Carla de Bulgaria.

García Quintana felicitó a Sandoval y aseguró qu’esta iniciativa “de calter internacional, pon en valor unu de los productos por excelencia d’Uviéu y d’Asturies. Anguaño quixo venceyala al Añu Xacobéu y al proyectu Uviéu, orixe del Camín. Iniciatives como ésta van sirvir para dinamizar el sector y más nestos tiempos. Gracies por cuntar con Uviéu”.

Nachu Sandoval añedió: “Siendo Uviéu l’Orixe del camín y ciudá hermanada con Santiago, vamos faer el mesmu camín que fixo’l primera pelegrín, Alfonso II. Coemnzaremos, n’unos minutos con una Fabada solidaria na Cocina Económica d’Uviéu, la mio ciudá, hasta llegar esta nueche a Tinéu. Y asina vamos faer el Camín hasta Santiago que va acoyer otra Fabada solidaria”.

L’Alcalde quixo cerrar la presentación estimando’l “ovetensismo de Sandoval” y la so llucha “por qu’Uviéu creza”.

Tamién te podria gustar