Portada Cine “La vida secreta de ma” trai a Avilés intrigues y enriedos familiares nuna comedia coral

“La vida secreta de ma” trai a Avilés intrigues y enriedos familiares nuna comedia coral

by redacción asturnews

La segunda cita de la temporada de fechu n’Asturies dientro de EscenAvilés, trai esti vienres 18 de mayu a les 20.15 hores nel teatru Palacio Valdés “La vida secreta de ma”: intrigues y enriedos familiares nuna comedia coral.

La obra ta escrita por Concha Rodríguez, que tamién actúa, y empobinada por Sergio Gayol y ye una producción conxunta de “La estampa teatru” y “Teatru del cuervu”. Les entraes tán a la vienta nos horarios d’apertura al públicu de les taquilles de la Casa de Cultura y del Centru Niemeyer, y la tarde de la representación n’el mesmu teatru

Un matrimoniu vive una vida apacible y plena, pos los fíos va tiempu que s’independizaron, yá llueñe del llar familiar. Pero un día’l matrimoniu recibe lo que sienten como xuna pésima noticia: el so xenru, al que consideren empuste, va dirixir la empresa na que trabaya’l suegru. Y ye más, va treslladar a vivir a la casa familiar. Esta situación va obliga-yos a revelar “La vida secreta de ma”. Asina empieza la comedia creada por Concha Rodríguez y empobinada por Sergio Gayol, la segunda cita de “Fechu n’Asturies” na temporada abril-xunu de EscenAvilés, que podrá vese el próximu vienres, 18 de mayu, nel Teatru Palacio Valdés a les 20.15 hores.

Les entraes pueden adquirise nos calces habituales:

Taquilles de la Casa de Cultura (llunes a vienres de 11 a 14 y de 18 a 21 hores; sábados de 11 a 14 hores)
Taquilles del Centru Niemeyer (llunes a domingu de 10.30 a 19.30 hores)
Taquilles del Teatru Palacio Valdés (la tarde de la presentación dende les 18 hores)
Caxeros Liberbank
entraes.liberbank.es/palaciovaldes
902 106 601.

“La vida secreta de ma” nació de la pluma de la dramaturga, directora y actriz Concha Rodríguez, que tamién s’asitiará sobre les tables nel papel de María del Carmen, la madre protagonista. Tratar d’una producción yá de llargu percorríu, realizada de forma conxunta por La estampa teatru” y “Teatru del cuervu”, y que se fixo nel añu 2016 col premiu “L’espectáculu teatral”.

Concha Rodríguez crea xuna comedia coral d’enriedos, “secretos y mentires familiares” qu’acabarán per salir a la lluz cola llegada del xenru a la casa, magar los intentos por torgar, por tou tipu de medios.

Más información

Tamién te podria gustar