La vicealcaldesa y conceyala de Participación d’Uviéu presenta los proyectos de la so área

La vicealcaldesa y conceyala de Participación d’Uviéu presenta los proyectos de la so área
20 marzu 09:51 2018 Imprimir

La concejala de Participación, la vicealcaldesa Ana Taboada y l’asesora y técnica de la área, Candela Guerrero, presentaron esta selmana, na plaza del Conceyu, les decenes de proyectos puestos en marcha pel área de Participación y los que se van poner en marcha de forma inmediata.

Ana Taboada destacó que “los proyectos de dinamización vinieron para quedase. Güei damos amuesa de los que se desenvolvieron y los que queden hasta’l branu. La intención ye presentar les actividaes pa dar cuenta de que los vecinos y les vecines tán implicándose nelles y que tamos enllenáu les places de too el conceyu. Los proyectos son diversos, para la zona rural como Pueblu; hai otros como arguyu de barriu, Uviéu vive les sos places y tamién los que se lleven a cabu nel local de La Corredoria, Fonte La Braña”.

Candela Guerrero añedió: “Tamos suañando la ciudá d’otra manera con proyectos para texer comunidá, educar pa la participación dende esperiencies concretes d’interés de la vecindá, compartir el día ente día de manera creativa y activa coles nueses vecines, y romper col individualismu, aprovechar los espacios públicos y construyir ente persones diverses xuna identidá común.  La importancia de los proyectos mora nel cómo se desenvuelven: siempres teniendo en cuenta’l texíu vecinal y social, según persones qu’a títulu individual paez-yos interesante trabayar pol so territoriu”. Les actividaes, aseguró, “diseñense dende les persones participantes y llévense a cabu col so sofitu, trabayu y esfuerzu organizativu”. Y adelantró dalgunes de les actividaes pa la próxima selmana: “El llunes vamos tar n’El Cristu, el xueves va haber cine fórum en La Corredoria;  ‘compartiendo saberes’ el vienres, en Vallobín; el sábadu, fiesta de la primavera en Cualloto y paséu ornitolóxicu en La Florida, el domingu”.

1. PUEBLU

Próximes actividaes:
– Talleres en familia pa la creación d’espacios d’ociu compartíu: dinámiques y xuegos fechos por familia y pa les families. Empezó’l 9 de marzu, siguiente sesión 13 d’abril. (dura hasta xunu)
– Rutes históriques de Trubia. Dar valor al patrimoniu rural dende texíu social, compartir ente vecines. 21 d’Abril.
Esposición fotográfica y documental, homenaxe a la tradición bolística. La Mortera. Poner en valor la hestoria al traviés de les distintes xeneraciones. 19 Mayu.
– Ta trabayándose tamién en: La falda del Naranco, conxuntu del distritu 2.

2. ARGUYU DE BARRIU

Próximes actividaes:
– Xornada vecinal sobro la hestoria del cristu y buenavista: esposición de fotografíes, video entrevista a persones mayores, relatos del barriu. Llunes 19 de marzu a les 18h centru social I del cristu buenavista.
– Compartiendo saberes en Vallobin: espaciu d’alcuentru vecinal pa celebrar ayalgues ente comercios, hosteleros, biblioteca, centru social, texíu asociativo… va haber distintes amueses: danza, teatru, concursu de tortielles, taller  amuesa d’escanciáu de sidra, lectura poemes… vienres 23 de marzu a partir de les 17,30h. Plaza Manuel ferreros
– L’Argañosa comerciantes: anguaño preparando un cluedo vecinal pal mes abril.

3. UVIÉU VIVE LES SOS PLACES

Próximes actividaes:
– Mural participativu n’Olivares. Anguaño tase faciendo un procesu coles entidaes y vecindá d’Olivares repasando conjuntamente espacios y personaxes destacables, memoria histórica… pa la ellaboración d’un mural que se va pintar a lo llargo del mes de marzu.
– Trueque de llibros y patinaxe. Desenvueltu con grupos de families en La Florida. Domingo 18 a partir de les 12 pista polideportiva semicubierta.
– Paséu ornitolóxicu. Paséu empobináu por vecines y vecinos de La Florida pal avistamiento d’especies. Domingo 25 de marzu dende les 16h nel Parque Purificación tomes.
– Fiesta de la primavera en Cualloto. Organización d’un espaciu d’alcuentru y celebración ente entidaes y comercios en Cualloto. 24 de marzu dende les 12h tol día. Redoma del centru social.

4. CAMINANDO LA HESTORIA, CONSTRUYENDO ENTE VECINES

Próximes actividaes:
– Percorriendo la hestoria: Dinamizacion nome de les cais de Pumarín. 6 d’abril d’equí p’arriba.
– Alcuentru vecinal y d’asociaciones en Teatinos. P’Abril.

5. LOCAL FONTE LA BRAÑA

Próximes actividaes:
– Proyección cortometraje y xéneru. Día 22 de marzu a les 18h.
– Alcuentru mensual y evaluación col texíu social. 4 d’abril a les 19h.
– Mural colaborativo nel espaciu. Mes d’abril

  Categories: