La V edición del ciclu Primavera Barroca entama’l 13 de marzu

La V edición del ciclu Primavera Barroca entama’l 13 de marzu
28 febreru 09:04 2018 Imprimir

La sala de Cámara del Auditoriu va acoyer el ciclu musical Primavera Barroca, de siete conciertos, del 13 de marzu al 23 de mayu.

La Fundación Municipal de Cultura y el CNDM presentaron la  selamana pasada la V edición del ciclu Primavera Barroca, gracies al que van pasar per Uviéu dalgunos de los nomes más destacaos de la música hestórica actual, como’l conxuntu italianu Il Pomo D´Oru xunto al contratenor Franco Fagioli, la Orquesta Barroca de Helsinki, dirixíos por Aapo Häkkinen y acompañaos pol clavecinista Pierre Hantaï, la Accademia Bizantina de Ottavio Dantone o los grupos españoles Los Ciños Diversos xuntu al conxuntu Oniria Sacabuche, el tríu de solistes formáu por Eugenia Boix, Guillermo Turina y Tomoko Matsuoka y los grupos asturianos El Llión d’Oru y Forma Antiqva (al pie de la mezzosoprano Sara Mingardo)

No que fai a la programación musical, del 22 de marzu al 23 de mayu’l Conservatorio Cimeru de Música y l’Universidá d’Uviéu van presentar de nuevu un ciclu de conferencies nel Auditoriu Príncipe Felipe. Los abonos, con un preciu xeneral de 84 euros, salieron yá a la vienta.

El presidente de la Fundación Municipal de Cultura, el conceyal de Cultura, Roberto Sánchez Ramos; el director artísticu de la Fundación Municipal de Cultura, Cosme Marina y el director del Centru Nacional d’Espardimientu Musical, CNDM (unidá del Institutu Nacional de les Artes Escéniques y de la Música, INAEM) Antonio Moral, presentaron la selmana pasada esta quinta edición del ciclu Primavera Barroca, integráu dientro de la programación añal del CNDM. Amás de los siete conciertos que formen el ciclu, nestos meses de primavera van celebrase una serie de conferencies entamaes conxuntamente cola Universidá y el Conservatorio Cimeru de Música. Estes actividaes siguen el compromisu de la institución nacional por promover y recuperar el patrimoniu musical antiguu por tol país, al traviés del so programa “Circuitos” presente en trenta y ocho ciudaes.

El ciclu Primavera Barroca centra la so atención na música d’esi periodu históricu y esta quinta edición caltien les pilastres del proyectu. El ciclu va abrise’l martes 13 de marzu col estrenu n’España de Haendel aries, l’últimu trabayu discográficu del contratenor Franco Fagioli, una de les voces más privilexaes de los nuesos díes. Fagioli va presentar esta personal selección d’aries operístiques de Haendel, grabada pol sellu Deutsche Grammophon, al pie de Il Pomo D´Oru, conxuntu fundáu en 2012 pol violinista romanu Riccardo Minasi col que rexistró esti reportorio. La sensual y aterciopelada voz d’esti contratenor nun conoz llendes y el so coloratura virtuosística ya intensidá emocional apurren un enfoque únicu a estes pieces, al traviés del cual Fagioli esquiza l’amplia gama d’emociones típiques haendelianas con obres de tolos períodos compositivos de la so carrera en Londres.

La segunda cita va venir de la mano de trés destacaos solistes: Eugenia Boix, soprano habitual de la Sala de Cámara del Auditoriu d’Uviéu, xuntu al violonchelista Guillermo Turina y la clavecinista Tomoko Matsuoka. El so programa Il martiriu nella corte ta dedicáu a la música sacro y profano para violonchelu, soprano y continuu nes cortes españoles de principios del sieglu XVIII, y ta formáu por obres de recuperación histórica escrites por Antonio Caldara, Giacomo Facco y Francesco Supriani.

Yá a mediaos d’abril, los asturianos Marcu Antonio García de Paz y el so conxuntu vocal El Llión d’Oru, reconocíos internacionalmente pol so rigorosu trabayu cola música histórica dende los sos entamos fai yá dos décades, van ampliar el radiu temporal d’acción del ciclu hasta’l sieglu XVI col so programa Italia y España: La edá d’Oru.

Del 22 de marzu al 23 de mayu, l’Auditoriu Príncipe Felipe va acoyer un ciclu de conferencies centraes na música barroca, al filo del ciclu de conciertos que nos ocupa y coproducíu pol Conservatorio Superior y la Universidá d’Uviéu. L’oxetivu ye introducir  nes manifestaciones musicales d’esi periodu, pa lo cual programáronse, antes de cada conciertu colos cuatro interesantes alcuentros con dalgunos de los intérpretes que formen parte de la programación: Guillermo Turina va esplicanos la Música sacra pa violonchelu, sopranu y baxu continuu” (22 de marzu), Marco Antonio García de Paz va centrar en “Italia y España: la edá d’oru” (13 d’abril), Ottavio Dantone va falanos del Anónimu venecianu” incluyíu nel so programa (10 de mayu) y Nacho Rodríguez va enfusanos en “L’arte de la Reforma” (23 de mayu).

  Categories: