La Universidá y la Fundación CTIC llancen la Cátedra de Tresformamientu Dixital

La Universidá y la Fundación CTIC llancen la Cátedra de Tresformamientu Dixital
24 ochobre 12:46 2018 Imprimir

El rector de la Universidá d’Uviéu, Santiago García, y el presidente de la Fundación CTIC Centru Tecnolóxicu, Roberto Paraja, roblaron ayeri un conveniu pa la creación de la Cátedra CTIC pal Tresformamientu Dixital.

La cátedra tien como ámbitos prioritarios d’actuación «el fomentu de la tresferencia y l’intercambiu de la conocencia, y la realización de proyectos conxuntos de toa índole sobremanera nel ámbitu del tresformamientu dixital, coles mires de crear estándares tecnolóxicos».

No que se refier a les actividaes de formación concederán beques a estudiantes d’Universidá «con oxetu de que realicen práctiques en CTIC y va facilitase la incorporación llaboral a los mozos titulaos».

Amás, el conveniu contempla actividaes d’espardimientu y tresferencia de la conocencia, ente elles la participación nel espardimientu y comunicación d’actividaes d’Investigación y Desarollo y l’organización de foros, seminarios y conferencies culturales.

  Categories: