La Universidá tien entá places vacantes tres la quinta llista d’almitíos

La Universidá d’Uviéu sigue teniendo places vacantes naquellos graos que la so nota de corte ye un 5, en publicando ayeri la que ye yá la quinta llista d’almitíos.

Con cada nuevu llistáu les places vacantes van siendo menos y les notes de corte baxen un pocu. Entá asina, una docena de titulaciones siguen marcando la so esixencia percima del 10: Educación Infantil, Matemátiques, Medicina Odontoloxía, Psicoloxía, el doble grau d’Alministración y Dirección d’Empreses y Derechu, el doble grau de Física y Matemátiques, Biotecnoloxía, Inxeniería de Datos, Enfermería, Física ya Inxeniería d’Organización Industrial.

Los graos con notes de corte más alta siguen siendo’l doble de Matemátiques y Física, con un 13,251, y Medicina, que se queda percima del 13 tamién, con un 13,050.

Los alumnos que llograren plaza nesta última axudicación tendrán de realizar la so matrícula hasta’l 4 d’ochobre. El periodu de reclamaciones va tar abiertu tamién hasta esa fecha.