La Universidá supera sos primeros exames ‘online’ ensin incidencies bultables

by redacción asturnews | mayo 15, 2020 5:42 pm

La Universidá supera esti miércoles los sos primeros exames ‘online’ ensin malpenes incidencies y fina’l tercer día de prebes col mesmu llogru. Na primer xornada produciéronse incidencies en diez de les 259 pruebes convocaes, toes na nueva plataforma habilitada pa los esames.

La Universidá d’Uviéu anunciara’l refuerzu de los sos sistemes informáticos pa los esámenes online colos que s’estreena esti modelu d’esame na universidá española. Yeren más nodos nel Campus Virtual, nuevu hardware y la puesta en marcha d’un nuevu Campus Virtual na nube, puramente diseñáu pa los exames ‘online’. Con éses, precisamente foi esa plataforma la qu’ayeri dio los únicos problemes rexistraos mientres la xornada, na que se celebraron 259 exames, con 6.689 estudiantes convocaos.

Del total, 58 pruebes y 2.459 alumnos taben citaos nesi campus novedosu, que finalmente presentó 19 incidencies d’alumnáu repartíes en 10 asignatures qu’usaben los dos nodos que tuvieron dificultaes por fallos na interconexón ente los mesmos y la REDIris qu’interconecta a toles universidaes del Estáu. Pela contra, nin el campus orixinal nin Teams tuvieron problemes. Nuna nota, la Universidá aseguró a última hora de la mañana que los incidentes quedaron resueltos y los exames siguieron escurriendo ensin dificult».

Fueron la incidencia d’una primer xornada histórica, na que la mayoría d’alumnos y profesores acabaron satisfechos y qu’abre un camín que tienen de confirmar otres universidaes que nun quixeron facer como l’asturiana y abrir cuantu antes el periodu d’esames online, probablemente a la espera de que otres esperiencies-yos marcaren el camín.

Source URL: http://asturnews.com/la-universida-supera-sos-primeros-exames-online-ensin-incidencies-bultables/