La Universidá simplifica los pasos de les asignatures por compensación

La Universidá simplifica los pasos de les asignatures por compensación
17 xineru 12:09 2018 Imprimir

Los alumnos de la Universidá d’Uviéu a los que-yos quede una asignatura pa graduase van ver simplificaos los trámites para optar a la evaluación por compensación, esto ye, a la posibilidá de que-yos aprueben esa materia ensin llograr la calificación riquida.

El Conseyu de Gobiernu de la institución académica dio ayeri’l vistu bonu a un cambéu del reglamentu que regula esta evaluación por compensación. Pero pa llograla el estudiantáu va tener de cumplir una serie de requisitos preestablecidos. Ente otres coses, encúrtiense los plazos de resolvimientu y notificación pa «facilitar la ulterior actuación académica del estudiante».

Tamién s’amenorguen los miembros de la comisión d’evaluación y suprímese la llimitación esistente hasta agora que torgaba a alumnos presentar una nueva solicitú si la primera fuera tornada. Amás, les solicitúes podrán tramitase de forma electrónica, «lo que va entainar la xestión y resolvimientu de los espedientes», destaca’l rectoráu.

  Categories: