La Universidá sigue perdiendo alumnáu

La Universidá sigue perdiendo alumnáu
20 ochobre 10:34 2019 Imprimir

Asturies sigue perdiendo alumnos universitarios nna tónica que se vieno manifestando nos últimos años y que esti cursu 2019-2020 vuelve producise, anque con matices. El cursu académicu que la Universidá d’Uviéu abrió’l pasáu 10 de setiembre suma un total de 20.858 alumnos, tantu de grau como de máster y doctoráu. Son 213 menos que los qu’acoyó la institución académica asturiana’l pasáu cursu. Esto ye, un 1% menos.

La baxada del alumnáu apréciase sobremanera nos estudios de doctoráu, anque estos datos, esclaria’l Vicerrectorado d’Estudiantes, entá pueden esperimentar cambeos. Tamién baxen, anque lo faen de manera bien llixera, les matrícules n’estudios de máster: son 1.801, diecinueve menos que’l cursu pasáu.

Sumando los alumnos de nuevu ingresu y los que solicitaron el so treslláu dende otra Universidá, la d’Uviéu rexistró esti cursu 4.362 matrícules n’estudios de grau, 34 más que va un añu. Pero si lo que se tien en cuenta son los datos totales -independientemente del añu que tean cursando- el númberu d’alumnos tamién ye menor. Pasase de 17.657 l’añu pasáu a 17.498 este. De los 55 graos (les antigües llicenciatures y diplomaturas) qu’esti cursu integren la ufierta académica de la Universidá d’Uviéu, 21 tienen na actualidá llista d’espera. Y son los estudios de la caña de Ciencies de la salú los qu’un añu más vuelven ser los más demandaos. Asina, en Medicina consten 1.656 aspirantes que se quedaron ensin plaza; ente que n’Enfermería son 732 n’Uviéu y 587 na escuela de Xixón. Fisioterapia ye’l cuartu grau con mayor llista d’espera: 356 persones. Los que nin siquier lleguen a cubrir les places ufiertaes son los graos n’inxeniería del campus de Mieres, que suma esti cursu 99 alumnos de nuevu ingresu, quince menos que’l cursu pasáu.

Otra manera, la única incorporación a la ufierta académica anguaño, la del grau d’Inxeniería d’Organización Industrial, que s’imparte na Escuela Politécnica d’Inxeniería (EPI) de Xixó,  non solo cubrió toles sos places sinón que dexé a 31 alumnos a les puertes.

A la vista de los datos de matriculación que remana la Universidá d’Uviéu, y les mínimes variaciones esperimentaes con respectu al cursu pasáu, la vicerrectora d’Estudiantes, Elisa Miguélez, considera que nun esiste una relación causa-efectu ente la baxada de tases y el volume d’alumnos de nuevu ingresu. Cabo recordar que la primer matrícula foi esti cursu un 25% más barata. Esa rebaxa dexó en 771 euros el preciu mediu de la primer matrícula n’estudios de grau y en 1.134 o 1.500 euros el de los másteres (en función de si son habilitantes o non).

  Categories: