La Universidá d’Uviéu va potenciar el Sistema d’Información Turística d’Asturies

La Universidá d’Uviéu va potenciar el Sistema d’Información Turística d’Asturies
26 xunetu 13:22 2016 Imprimir

La Universidá d’Uviéu va fortalecer el papel del Sistema d’Información Turística d’Asturies (SITA) como una vía pa potenciar l’aportación de la institución académica asturiana a un sector clave na rexón. El rector, Santiago García Granda, axuntóse esti llunes colos responsables del observatoriu, integráu por investigadores de la Facultá de Comerciu, Turismu y Ciencies Sociales Xovellanos de Xixón, pa felicitalos pol recién premiu d’investigación comercial otorgáu pol Club de Marketing d’Asturies.

El rector destacó’l trabayu que dende 1997 se fai nel SITA na ellaboración d’estadístiques de turismu n’Asturies. Santiago García Granda indicó que se va tratar de potenciase l’acción internacional, sobremanera en Hispanoamérica, dao qu’esti observatoriu ye una fonte bien importante de tresferencia de conocencia.

El director del grupu d’investigación del SITA, Luis Valdés, recordó que tolos estudios y estadístiques tán a disposición de la sociedá y que l’observatoriu pertenez a la Universidá d’Uviéu pero ta financiáu pol Principáu d’Asturies y cuenta con una decena d’investigadores, amás de becarios y personal contratáu.

Na xunta participó tamién l’actual vicerrectora d’Acción Tresversal y Cooperación cola Empresa, Eugenia Suárez Serrano, en calidá de miembru del equipu d’investigación del SITA, amás del decanu de la facultá de Comerciu, Turismu y Ciencies Sociales Xovellanos de Xixón, Levi Pérez, y el profesores ya investigadores del observatoriu Rosa Aza, Víctor Iglesias y Eduardo Antonio del Valle, en calidá de coordinador.

  Categories:
Loading Facebook Comments ...