Portada Educación La Universidá d’Uviéu pon en marcha un programa pa relacionar alumnos del país y estranxeros

La Universidá d’Uviéu pon en marcha un programa pa relacionar alumnos del país y estranxeros

by asturnet

La Universidá d’Uviéu va poner en marcha col empiezu del nuevu cursu el programa “a.duo”, una iniciativa que quier poner en contactu a estudiantes del país y estranxeros col oxetivu de facilitar la estancia d’estos nel nuestru país y l’intercambiu cultural. Los participantes nel programa van algamar una puntuación estra nel baremu de selección pa optar a beques Erasmus.

Gracies a esta iniciativa los alumnos estranxeros van atopase más integraos na vida universitaria del so país d’acoyida y el contactu con alumnos nativos va vali-yos pa afayase respective a la realidá cotidiana, l’accesu a los tresportes públicos, atopar agospiamientu o una meyor orientación pela ciudá.

Los estudiantes asturianos o d’otres comunidaes españoles que participen nel programa “a.duo”, amás de conocer una nueva visión del mundu al través del so contactu con estudiantes foriatos van disfrtutar d’una bonificación especial na tabla de méritos pa solicitar ayudes y beques como les del programa Erasmus y al finar la so participación nel proyectu van recibir un documentu acreditativu de la propia Universidá.La cumplimentación d’un formulariu ye l’únicu trámite que se desixe pa participar nel programa “a.duo”.

Más información

Tamién te podria gustar