La Universidá d’Uviéu entra nel top 500 del ranking de Shangai

La Universidá d’Uviéu vieno acabante d’entrar nel top 500 del ranking de Shangai, convirtiéndose nuna de les 13 universidaes españoles que tienen esti privilexiu y pasando a pertenecer al 5% de les meyores universidaes del mundu. La institución académica asturiana algama la so meyor posición nel ranking de Shanhai dende l’añu 2003, después de tornar a elli en 2017 y de 14 años de un entrar nesti ranking.

El ranking ARWU (Academic Ranking World Universities) publicáu pola axencia independiente ShanghaiRanking Consultancy publicó esti xueves, 15 d’agostu, la clasificación correspondiente al añu 2019, na que la Universidá d’Uviéu ta asitiada ente les 500 meyores universidaes del mundu, una posición que nun se llograba dende 2003, añu en que foi publicáu per vegada primera esti ranking.

El ranking ARWU utiliza seis indicadores oxetivos pa clasificar les universidaes del mundu, incluyida la cantidá de persones egresaes y personal docente ya investigador que ganara un premiu Nobel o xuna medaya Fields; la cantidá d’investigadores ya investigadores altamente citaos escoyíos por Clarivate Analytics; la cantidá d’artículos publicaos en revistes como Nature o Science; la cantidá d’artículos indexados o’l rendimientu per cápita d’una universidá. ARWU clasifica más de 1.800 universidaes cada añu, publicar les 1.000 meyores y destáquense les asitiaes ente les 500 meyores.

Consideráu’l ranking más prestixosu, ARWU 2019 incluyó trelce universidaes españoles ente les 500 meyores asitiaes del mundu, ente elles, la Universidá d’Uviéu. La d’esti 2019 ye una clasificación enforma destacada que foi posible magar unos recursos económicos insuficientes y un contestu alministrativu y regulatoriu poco favoratible, gracies a los escelentes recursos humanos que componen la comunidá universitaria, ensin escaecer tampoco’l continuu sofitu que la Universidá recibe de la sociedá asturiana al traviés de les sos empreses ya instituciones, encabezaes pol Gobiernu del Principáu d’Asturies.

Nuna nota de prensa asoleyada na fin de selmana, la Universidá felicitó al estudiantáu, al Personal d’Alministración y Servicios y al Personal Docente ya Investigador, estimando’l trabayu que realicen día ente día, que dexó esta esitosa clasificación de la Universidá nel ranking ARWU 2019.