Sociedá La universidá de Cambridge investiga la so relación cola esclavitú by redacción asturnews 3 de mayu, 2019 written by redacción asturnews 3 de mayu, 2019 45 Un grupu d’investigadores de la Universidá de Cambridge van pasar los próximos dos años investigando los venceyos de la entidá cola esclavitú mientres la era colonial británica. Los académicos quieren saber cómo la institución podría beneficiase d’esta situación. Acordies con un comunicáu de prensa, l’estudiu va centrase nos archivos universitarios y otros rexistros, nos que se van buscar pruebes sobro “la esplotación de trabayu, yá sía financieramente o por aciu legaos”.”Hai un creciente interés públicu y académicu nos venceyos ente les universidaes britániques más antigües y el comerciu d’esclavos, y ye xustu que Cambridge estudie la so propia esposición a los beneficios del trabayu forzáu mientres el períodu colonial”, señaló’l profesor Stephen J Toope, vicerrector de la Universidá de Cambridge, nel comunicáu. La idega nun ye solo acolumbrar los ingresos económicos y los regalos que Cambridge recibiría nesa “escura dómina”, sinón que, tamién, analizar la forma na que “los académicos ayudaron a moldiar la opinión público y político, sofitando, reforzando y, dacuando, refugando actitúes raciales que son repugnantes nel sieglu XXI”. Pa ello, Toope nomó a un grupu asesor d’ocho miembros encabezáu polos profesores d’arqueoloxía clásica Martin Millett y Laurence. Amás, comunicó que l’estudiu realizar a tiempu completu dos investigadores nel Centru d’Estudios Africanos. La Universidá va tratar de reparar esti perxuiciu en términos simbólicos y tamién nel financiamientu de beques y fundaciones. Nun ye l’únicu centru que ta investigando esta tema, pos la Universidá de Glasgow ta tamién analizando los efectos de la esclavitú nes sos arques una vegada qu’afayó que recibiera donaciones nos s.XVIII y XIX, derivaes de tratar d’esclavos, por valor de casi 200 millones de llibres actuales. 0 FacebookTwitterPinterestEmail Anterior Un xuez d’EE.XX. da la razón al Thysen sobro la propiedá d’un Pissarro robáu polos nazis siguiente Uviéu destina 3,34 millones a contratar 139 demandantes d’emplegu Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón Blanca Fernández foi la pregonera de la XXVII... L’ALLA abre’l plazu pa los cursos de la...