La Universidá d’Uviéu celebra la Selmana de la Ciencia

by asturnet | noviembre 16, 2010 5:33 am

[1]

La Selmana de la Ciencia ye un eventu d’ámbitu européu que la Universidá d’Uviéu lleva diez años celebrando. Güei, martes 16 de payares, celébrase una conferencia a les cinco la siete y media la tarde, dedicada a los “Oceanos: la biodiversidá escondida”. Va celebrase na Facultá de Xeoloxía de Llamaquique, n’Uviéu.

Sicasí, yá dende pela mañana, a les nueve, va poder visitase la esposición “De la Tierra al Universu”, que va tar abierta hasta’l 15 d’avientu nel aulariu sur del Campus de Viesques, en Xixón.

Tamién esti martes, l’Edifciu Severo Ochoa, dedicáu a la investigación, va celebrar una xornada de puertes abiertes, de 9 a 17 hores. A esa hora les actividaes desplácense a Xeoloxía, con un taller tituláu “Detección y llocalización de terremotos”, abiertu como’l restu los actos, a tolos públicos.

Programa completa de la Selmana de la Ciencia[2]

Endnotes:
  1. [Image]: http://asturnews.com/bancofotos/fotos/2/5166.jpg
  2. Programa completa de la Selmana de la Ciencia: http://www.uniovi.es/c/document_library/get_file?uuid=ea08b49f-354e-4527-b3ab-31393c7f9e1a&groupId=10612

Source URL: http://asturnews.com/la-universida-d%c2%92uvieu-celebra-la-selmana-de-la-ciencia/