La Universidá collabora con una plataforma dixital nel tresformamientu del mercáu forestal

La Universidá collabora con una plataforma dixital nel tresformamientu del mercáu forestal
02 ochobre 10:46 2018 Imprimir

El grupu d’investigación de la Universidá d’Uviéu Sistemes Forestales Atlánticos GIS-Forest, con see en Mieres, participa, al traviés del grupu operativu supra-autonómicu Timber Chain, nel diseñu d’una plataforma dixital que garantice la trazabilidad de los productos forestales, qu’integre los procesos y axentes implicaos, documente les actuaciones y disponga d’una fonte de datos estandarizada y interoperable.

La selmana pasada, n’El Güertu de Lucas (Madrid), celebrose una xornada abierta al públicu, na que se desplicaron los detalles. El papel del grupu GIS-Forest va consistir n’envalorar el recursu forestal col diseñu d’una metodoloxía para llograr modelos matemáticos predictivos a partir de técniques estadístiques d’aprendizaxe automatizado de variables forestales cuantitatives, a partir de grandes volumes de datos (big-data) adquiríos por aciu sensores remotos para les principales mases forestales asturianes.

  Categories: